ಬಾಂಬೆ ಐಐಟಿ ಉಪನ್ಯಾಸ ಸಭಾಂಗಣಕ್ಕೆ ನುಗ್ಗಿದ ಹಸು: ವಿಡಿಯೋ ವೈರಲ್

ಬಾಂಬೆ ಐಐಟಿ ಉಪನ್ಯಾಸ ಸಭಾಂಗಣಕ್ಕೆ ಹಸು ನುಗ್ಗಿರುವ ವಿಡಿಯೋ ವೈರಲ್ ಆಗತೊಡಗಿದೆ.

ಮುಂಬೈ: ಬಾಂಬೆ ಐಐಟಿ ಉಪನ್ಯಾಸ ಸಭಾಂಗಣಕ್ಕೆ ಹಸು ನುಗ್ಗಿರುವ ವಿಡಿಯೋ ವೈರಲ್ ಆಗತೊಡಗಿದೆ.

ಈ ವಿಡಿಯೋ ಕುರಿತು ಐಐಟಿ-ಬಾಂಬೆ ವಕ್ತಾರರು ಸ್ಪಷ್ಟನೆ ನೀಡಿದ್ದು, ಇದು ಯಾವಾಗ ಸಂಭವಿಸಿರುವ ಘಟನೆ ಎಂಬುದು ತಿಳಿದಿಲ್ಲ, ಘಟನೆ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದಷ್ಟೇ ಹೇಳಿದ್ದಾರೆ.

ಮೊದಲ ಮಹಡಿಯಲ್ಲಿರುವ ಉಪನ್ಯಾಸ ಸಭಾಂಗಣದಲ್ಲಿ ವಿದ್ಯಾರ್ಥಿಗಳು ಪರೀಕ್ಷೆ ಬರೆಯುತ್ತಿದ್ದರು. ಈ ವೇಳೆ ಹಸು ಏಕಾಏಕಿ ಒಳಗೆ ನುಗ್ಗಿದ್ದು ವಿದ್ಯಾರ್ಥಿಗಳಲ್ಲಿ ಕೆಲಕಾಲ ಅಚ್ಚರಿ ಮೂಡಿಸಿತ್ತು. ಹೊರಗೆ ಕಳಿಸಲು ಯತ್ನಿಸಿದರಾದರೂ ಅದು ತನ್ನಿಚ್ಛೆಗೆ ಬಂದಂತೆ ನಡೆಯುತ್ತಿರುವುದು ವಿಡಿಯೋದಲ್ಲಿ ದಾಖಲಾಗಿದೆ.

I am a cow, and I am here to teach you mooooo-ology. #IITBombay https://t.co/fG7tRSNvrL
— Twitter Moments India (@MomentsIndia) 28 July 2019
ವಿದ್ಯಾರ್ಥಿಗಳು ನೀಡಿರುವ ಮಾಹಿತಿಯ ಪ್ರಕಾರ ಈ ಘಟನೆ ಶನಿವಾರ (ಜು.27) ರಂದು ನಡೆದಿದೆ. ಮುಂಬೈ ನಲ್ಲಿ ಧಾರಾಕಾರ ಮಳೆ ಸುರಿಯುತ್ತಿದ್ದು, ಬಹುಶಃ ಮಳೆಯಿಂದ ತಪ್ಪಿಸಿಕೊಂಡು ಆಶ್ರಯ ಪಡೆಯುವುದಕ್ಕಾಗಿ ಐಐಟಿ ಕ್ಯಾಂಪಸ್ ಒಳಗೆ ನುಗ್ಗಿರುವ ಸಾಧ್ಯತೆ ಇದೆ. ಪೊವಾಯಿ ಕೆರೆಯ ಪ್ರದೇಶದಲ್ಲಿ ಎಥೇಚ್ಛವಾದ ಹಸಿರನ್ನು ಹೊಂದಿರುವ ಬಾಂಬೆ ಐಐಟಿ ಕ್ಯಾಂಪಸ್ ನಲ್ಲಿ ಹಲವು ವಿಧದ ಜೀವಿಗಳು ಕಾಣಿಸಿಕೊಳ್ಳುತ್ತಿರುತ್ತವೆ. ಬೀದಿ ದನದ ಘಟನೆಯಷ್ಟೆ ಅಲ್ಲದೇ, ಮಳೆಯಿಂದ ತಪ್ಪಿಸಿಕೊಳ್ಳಲು ಚಿರತೆಯೊಂದು ಇತ್ತೀಚೆಗೆ ಈ ಪ್ರದೇಶದಲ್ಲಿ ಬಂದಿತ್ತು.